من قصائد حاتم حسن الدابي

ذكريات ايامنا القبيل في النفوس ساكن هاجسا
الجميل السمح الطباع منه اتجاهلنا ونسا
خمسة يوم متعت العيون في السماحة المتجانسة
وصدفة ماصدقت الظروف بيها تجمعني واجالسا
هادية بي طبعها ما حصل مرة قابلتها عابسة
اما لو بسمت يالطيف كل خلق الله تجرسا
للشباب صبحت مغنطيس كلو جنب الباب حارسا
وهزت القلعة يمين شمال بي عبيدابا ودونقسا
امتطيت صهوات القصيد قلت انا الكلمات فارسا
ماقدرت اوصف سماحة انت كملتي مدارسا
العيون في الظبا ماها في واسعةتتحدي مؤانسا
الرموش الفوق فاترات للتحت دايري تلامسا
شوقن انو يقالدن بعض والوصال بيناتن قسا

ماها لابسة تياب للسماح السماح ياهو اللابسة
الوجيه زي ضي الصباح بي ورا الظلمات دامسة
لا الظلام يطغى علي الصباح ولاالصباح يخترق المسا
خطوة خطوة مشيها التقيل ترفع اقدما تحنسا
والخدود شبعانات نضار فتحت يادوب نرجسا
مرة يا ود كارة ان مشيت بالعلي قلها حدثا
ما تخادع خليك حريص ما تلم فيك مباحثا
قلها ان فتشنا الشمال ليكي مابنلقى منافسة
وحتى تاجوج لو شافتك ليكي اعلاما تنكسا

للشاعر : حاتم حسن الدابي

يا سلام عليك يا علاء عرفت تختار
حاتم وعبدالقيوم ابدعو فى هذ الاغنية

مشكور علاء يديك العافية قصيدة اكثر من رائعة