العودة   .:: شبكة ناوا عروس النيل::. > ساحة عروس النيل للأغاني السودانية > أغاني وأغاني
التسجيل التعليمـــات التقويم البحث مشاركات اليوم اجعل كافة الأقسام مقروءة

الملاحظات

أغاني وأغاني أغاني سودانية حديثة وشعبية

إضافة رد
انشر الموضوع
 
أدوات الموضوع إبحث في الموضوع انواع عرض الموضوع
قديم 02-27-2011, 08:21 PM   #1
مخلص لعروس النيل
 
الصورة الرمزية قلووز
 









قلووز غير متواجد حالياً
افتراضي كل كلمات اغاني محمود عبدالعزيز+طلباتكم

 

ـــــمـــاتـــــ اغـــــانــــــي الــــــحــــــــــــــــوتـــــــــــــــــ
دي مكتبه لكلمات اغاني الحوت ولو عندك اي اغنيه عاوز او عاوزه كلماته اتفضلو من العين دي قبل دي وفي اقرب فرصه حاجيبه ليكم
ودي اول غنيه يااطيب ناس ناس النيل
ومع اول البوم للحوت (خـــــلي بـــــالـــــــكـ)
والالبوم دا سجلو الحوت في مصر ودا كان اول البوم ماستر يتسجل للحوت وسجل نجاح كبيييييير وللمعلومه كان اول شريط كاسيت في السودان حسب المعلومات اللقيته وكان سنة 1994 وانتجتو ليو شركة حصاد للانتاج الفنى

بس الله نبداء

خــلي بالك

خلي بالك لي إيدي وقت اسالمك لما يازولتي البريدك
امسح من الزمن العداوة واقول بريدك
تفرح الناس الحزينة والأسف الكان مدينة
تهدمو الريدة الحنينة
إنت وأنا من فوق على قمماً سعيدة
نخلي صوتنا دوام يغني
ياصوتنا غني باللهفة والحب والتمني
لاسهاد في ليل بعاند لا الوجع تاني بعاود
بس تغني نهدم الخسران ونبني بالوهج عالم مغني

النهايات

النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو البياخد من ملامحك نغمة من طبلة وربابة
يصنعوا اللحن البيدوي يجمعوا الأرض والسحابة
نخلة تاخد من ملامحك فرحة النيل في التعابة
طفلة تلعب بين دموعو كايسة لي حرف الكتابة
النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو اللي ثابت فينا منك هو اللي ساكن في الحنايا
النهايات التفتش في عيونك للبداية


قربــك

قربك بفرحني بعدك بجرحني
حبك بسمحني صدك بقمحني
إن شاء الله دايم لي قربك وحبك لي
إن شاء الله لينا تدوم المودة والريدة
ننسى السهر والنوم نحضن أغاريدا
ننسج سوا الأحلام نتفانى شوق وهيام
وهواك يحلق بي وارعاك بضي عيني
الله العليم بالريد جافانا صداً ليه
قسمة ما بالأيد وهواك هد الحيل
وهواك شال البال ياغاية الآمال
سآل الكريم الحي يحميك ويلطف بي
مالينا غير الريد غير الهوى الغلاب
غير رحمتك يالسيد يامجمع الألباب
يجمعنا رغم البين ونعيش سوا الإتنين
أرضيك وتبسم لي يالبي هواك أنا حي


لماردتـــك

لما ردتك كنت عارفك زي نغيمة هاربة من وتر الأسية
كنت شايفك زي نجيمة ضاوية في الفجج القصية
كنت حابسك زي دميعة خوفي لما تسيل روية
تجرف أحلام العيون العايشة جنبك لاشقية
لما ردتك كان عمر قصتنا ساعة
الزمن في لحظة نادى كل أفراحو المضاعة
ماالمودة معاني سامية والأمل للروح مساعة
إنتي ترحلي زي مراكب للوداع فردت شراعا
حومي في خاطر حبيبك كوني في زحمة ظروفو
شعري من بهجة عيونك من حنانك ضي حروفو
دنيا فيها الريدة قسمة وكل زول كايس وليفو
ريدي مكتوب في الجبين بكرة ياما العين تشوفو


كل ما سألت عليك

كل ما سألت عليك صدوني حراسك
ردوا الجواب كافين مع إني من ناسك
ردوا الجواب قالوا كم غيرك إحتالوا
غير صدهم لاشئ مننا نالوا
يا قاسي يا قاسي هل يرضيك ما قالوا
ام إنت ماهاميك ولا حرّك إحساسك
ياغالي ياغالي يالديمة في بالي
جفاك حارمني من لهجك الحالي
أنا في هواك ياجميل إتحطم آمالي
أنا برضي بستناك والصبر يحلالي
كل ما شذاك يسري في قلبي كالسحر
ييقظ لهيب الشوق والهوى العذري
أهواك واداري هواك لو يتقضي عمري
عمري باقي على عطفك وإحساسك أنا


مسافـتك

لامقدور أسيبك ولاعايش معاكي
لا معدود حبيبك ولا عاشق سواكي
أجيكي بكل طيبة وأنا العايزك حبيبة
تجيني بكل ريبة ولاقي عيون غريبة
كأنك ما قريبة
أجيكي بكل حناني واقول جنبك أماني
تجيني بشكل تاني تضيع مني الأماني
وافتش لي رضاكي
معاكي غلبت حيلة مسافتك مستحيلة
ولا الريدة النبيلة ولا العشرة الجميلة
ولا التحنان هداكي
بخاف من بكرة بعدك يالأخلفت وعدك
انا البشقيني بعدك يكون في بعدي سعدك
واعيش محروم هواكي
أكون يالله واهم وفاكر الخوة ريدة
وإنتي نهاكي فاهم ايه معني القصيدة
وأنا الحزنان وباكي


وتاني البوم للحوت سجلو في روسيا وذكر انو العلماء الروووس اشادو بي صوت الحوت ووصفو صوته بالنادر وان صوته مثل صوت الألأت يمكن أن ينتقل بين الدرجات المختلة بكل بساطة
من إنتاج شركة حصاد للانتاج الفنى عام 1995

سكت الرباب

سكت الرباب قبال يقول غنواتو بي شوق يهمسا
لما النغم الكان بدغدغ فينا إحساس وإتنسى
علمنا أشواق العصافير للمغارب والمساء
ياحليلو عاد حسو الحنين مابقول همسة شفايف
والعيون لغة الاصابع الراعشة ساعة يلمسا
فقدت ليالي الشوق نجيماً زين صفاها وآنسا
أحبابي كيف سآلين عليك
قالوا الرباب ياناس قسى
خلانا لي نار القسى واخوفي من طول الطريق
أمشيهو كيف بين المغارب والمساء
سكت الرباب سكت الرباب


بسأل عليك

بسأل عليك حزن الشفق
وقت الخيال ينعس ينوم يتوسد أحلام الأفق
ورعشة الليل الطويل آهة الشوق والأرق
بسأل عليك لما السؤال يصبح سفر
بلقاك في فيض الأماني الذايبة في رنة وتر
في لمحة الطيف البعربد مرة بالخاطر عبر
ورعشة الأمل البفوح يتلاشى زي لون السحر
مطوية في حضنو المسير مخفية في صدف البحر
بسأل عليك في زحمة التيه المحاصر بالفراغ
في صحية الوعي المخدر في جبين الكون ضياع
في غربة الشجن المعذب ورهبة الخوف المشاع
بتجيني في وجع الحروف الياسة تشرب من أنينا
في شارة الالم البتكبر الجاية من أغوار دفينة
مكسية بي لون الشفق مشحونة من طرف المدينة
بسأل عليك لاملت أشواقي السؤال
بسأل عليك لا إرتاحت الخطوة الخزينة


خلي العيش حرام

خلي العيش حرام مادام أرى الموت يحل
مابين الرميش فوق للطريف الكحيل
هز صدرو ميل فدع الخصر النحيل
درّاج المقل شبه المهر الوحيل
النوم مني فرّ وقلبي ناوي الرحيل
من غير المنام طيف الخيال مستحيل
ولا لان إشتياقي وقلبي أصبح وجيل
ولا من جمال يرفع لي قدرك يجل
يشتاق الهلال ينصاع لي قدمك حجل
بنخوض الرماح لوكان تزيد أو تقل
ونخاف من ضميراً أهيف منفتل
ونقابل المدافع بالثبات والعقل
ونخاف سيف عيونو إن لمعت يضرب صقل
يالمنك معار تكحل شويدن الخميل
علمت الغصون مع الغصون كيف تميل
مختارك رعاك في عشو ودمعو الهميل
التختارو لي لاشك جميل ياجميل


عشان نغني

عشان نغني نسوقا خيلاً للتمني
كوني أنهار العزايم حركي الموج للمغني
وأبدي مني رحلة هوى لافاتا زول لايصلني
تدخل شمس معنى القصايد وندخل الحب والمعاني
نبقي واحد الحدايق للرضا والشوارع للصبا
وزي ما الأصابع متنوعة نبقي إيد تعزف تغني
ونبقي إيد تفرح تغني
ونبقي إيد تفرح تغني
لي فوق يانيل لي فوق هناك
لي فوق ياخيل لي فوق سماك
لي فوق يابلد عشان نغني


شذى الأيام

شذى الأيام لقيتك غنوة من وهج الكلام
طاب القلب يحلم بالمنى رحل الغمام
الفرح الجزيل المدي الأنسام
إبتديت بيكي أعرف شفت وقتاً بيك يصدق
يملأ قلبي يسرح سلام
شفت نهراً شد حيلو بيكي يحلف يالحقيقة يالظلام


فاكرك معاي

أنا فاكرك معايا وين حبيبي فاكرك معاي
تسعد بي سعادتي وتشقى عشان شقاي
أنا فاكرك معاي وانت مع المظاهر
وماراعيت ضنايا وظلمك لي ظاهر

سهرت الليالي سليتني سلبت عودي
باب غفراني فاتح ليك لو عدته عودي
ديمة عشان رضاك انا باذل جهودي
ما راعيت ضناي وبلواي سهودي

تسمع كل واشي قولو عليك يكتر
عدو في توب صديقك اتوارى وتدثر

كل الناس بتغلط ما بحمل عليك
تعال خليني واصل اسفاري في عينيك

وانشاء الله حعمل بوست للاغاني mp3 وانزلها كلها
مع تحيات الـــعــــمـــرابــــــي











التوقيع
 
رد مع اقتباس
قديم 02-27-2011, 08:25 PM   #2
مخلص لعروس النيل
 
الصورة الرمزية قلووز
 









قلووز غير متواجد حالياً
افتراضي رد: كل كلمات اغاني محمود عبدالعزيز+طلباتكم

 

وثالث البوم للحوت البوم ياعمر كان سنة 1995 وكان بي مصاحبة فرقه سودانيه يقودها عازف الكمان محمديه والالبوم دا اثبت للكل انو الحوت ملك ولي درجة انو بعض الفنانيين اجلو انتاج شرائطهم لانو كلن ماسك السووق كلو وطبع اكثر من مره
البوم ياعُـــمــــــــــر

ياعُمر

ياعمر خليني انسي والبينسي الريده سيبو
خلي عايش في خيالو بكره ما الايام تجيبو
لا العذر يشفع اليه ولا الندم في يوم بفيدو
ياعمر الفات ودع ماضي ابداً ما بعيده
الزمان ادي الفرح للقليب الما بسيدو
الزمان الداير يصيدنا الزمان باكر بصيدو
لما قسم للشقاوه اداها للناس البريدو
ياما نشقي عشان عيونو لا الفرح كان يوم بايدو
ياعيون حزنانه صبرك مافي زول فايت نصيبو
ياعمر خليها سيره دا الزمان حدد مصيرو
يا عمر ياااااااااااااااااااا


الحبيب

الحبيب مالو ما جاء وين مالو ما جاء
إنتظرتو لما ما جاء رحت زرتو
ياعوازلي إنتو جرتو كان عرفتو كان عزرتو

خدو صفقة جوا قلبي ليهو شفقة
الحنان العندو صدقة الدلال الظبية سبقا
حبي عرفو والأذاني سببو طرفو
ياعوازلي إنتو جرتو كان عرفتو كان عزرتو
حبي عرفو والأذاني سببو طرفو
ليهو القلوب بوالفو والبوالفو ما بخالفو

الحنان الزي حنانو شوفو لي وين مكانو
الجمال في الدنيا زانو ده بتروح الروح عشانو


حبك ياجميل

حبك حبك ياجميل ساهر بي والدنيا ليل
حبك حبك ياجميل ساهر بي في ليل طويل
الليل مابنومو وبترقب عدد النجوم
يالفي خاطري دوام مرسوم وما بقدر على بعدو يوم
جنني في ليل لطويل

داخل قلبي أنا لي حبيب وبتألم كل ما يغيب
يا جراحي الما ليك طبيب أملي معلق كيف تجي
ساهر بي في ليل طويل

حبيب القلب ساب نسي حسنو بديع بدع المساء
ياجراحي كيف ألمسا الألامي كيف الامسا
يا جراحي كيف المسا عيني كيفن أحنسا
جنني في ليل طويل

الحنين

الحنين البي ليه ما قدرو
العمر من وين بيشترو
ضوق وقاسي الوحدة ياقلبي الرهيف
ياوليف الشوق بقيت فاقد الوليف
أن نساني وباع خلاص حبي الشريف
الكلام البينا كيفن ينكرو
الحنين البي من قلبي الأمين
من مشاعرو السامية والريد الدفين
الحنين البي لو طالت سنين
ما بتمر بي خاطري لحظة تودرو
ويا زمان العشرة وين طيبة القلوب و
وين أماني عمرنا والريد الطروب
المحبة البينا لو كانت ذنوب
الذنب في الريدة ليه ما يغفرو


بعد الفراق

بعد الفراق ما عدت تاني تهمنا
أيه الحصل تكتب جواب مضمونو انت تزمنا
ما قلت في ساعة الوداع مافي أمل حيلمنا
اخترت انت طريق طويل سكتنا ما زي سكتك
لبس المظاهر والغرور في نص الطريق بنزلك
أيه الحصل تكتب جواب عايزنا نحن نقدرك
ما قلت في ساعة الوداع انت النجوم وايدينا ما بتحصلك
نحنا ما درنا الفراق والله ما درنا الفراق البيهو جيت فاجأتنا
عايشين على ريدك سنين في لحظة جيت بس خنتنا
أيه الحصل تكتب جواب طالب نواصل ودنا
ماقلت في ساعة الوداع مافي أمل بيلمنا




جاهل وديع

جاهل وديع مغرور في أحلام صباهو
نايم خلي ومسرور ماعرف الهوى
في سور وداخل سور في روضة زهورغناء وقصور في قصور
آية الجمال مبصور أخلاق الرضيع في هيبة المنصور
باهي الدلال موفور محجور الخدود ماهو الخليع وسفور
زاد في نفور نفور أصبح قلبي في أيدو اليمين عصفور
لو ينفع المحزون مالي ومال هواهو الضامر المبزول
قاسي ومنيع ما بزور لكن دابو تاه جاهل صغير معزور
هل الهلال في حجور وتقلد نجوم لافي إعتزار في جور
مابرحم المهجور مأسور الجمال مابرضى حكم الجور
ناعم لواحظ حور قاروط لو رآه مثلي كان مسحور
فاق الحسان الحور في خدو الزهور زاهية وجوارا بحور







غـدر الزمن

شغل القليب بالشوق على زولاً بحن
طبع الفراق الجوة إحساسي الدفين صورة شجن
زاد الألم سبب الفراق البينا كان غدر الزمن
غدر الزمن مسح الأحاسيس النبيلة وبدلا
عشرة سنين ممزوجة بي أحرف وفاء ما أجملا
عزاي حروف بعد الشقاء مسح الليالي وحولا
سلواي قصايد شاعر إتغرب وزادو بقى الصبر
نعمل شنو إلا الحصل بيناتنا ما نفذ القدر
يرجع يعاودني الحنين خاطري إنكسر يوم إنجبر

__________________________________________________ _____________


رابع البوم للحوت وهو سيـــــــــــب عنادك والالبوم دا سجل نجاااااح كبير برضو زي الالبوات القبلو والحيكونو بعدو زي ما حنشوف وكان سنة 1996 ومن شدة نجاح الالبوم دا كان في قميص اسمو سيب عنادك ودا هو القميص الكان لابسو محمود في غلاف الالبوم وطبعا كلعادة طبع هذا الالبوم اكتر من مره

/ البوم سيب عنادك
سيب عنادك

في نعيمك وأنت هاني
يا البقيت سلطان زماني
أنت ليك حبي وحناني
مافي غيرك ريدا تاني
ما تسيب عنادك ما كفاني
******
أنت ليه ليه ليه ديمة ناسي
والزمان علي قاسي
أنت يا ربيع حياتي
أملي فيك رغم المآسي
ما تسيب عنادك ما كفاني


عمري

عمري بعدو بالساعات عشان خاطر مواعيدك
أماني اللقيا في عيوني متين ألقاك وأضم أيدك
دي حتى عيوني يا غالي بقت ولهانة بتريدك
عمــــــــــــــــري
*******
تمر اللحظة والساعة وأقيف يا غالي وحداني
أمني عيوني بي شوفتك تعود الفرحة من تاني
عمــــــــــــــــري
*******



منو القال ليك

منو القال ليك بنتحمل فراق عينيك
وحات الريدة يا أسمر
فراقك ثانية ما بنقدر
ولكن غايتو نتصبر
وكل ما نحن نذكر
وكل ما ليك نذكر
تنزل دمعة تتحدر
نرجع تاني نغفر ليك
******
فراقك يوم بعذبنا
بعادك اه بيتعبنا
وكيفن مدة ما نشوفك
كيفن مدة ما نشوفك
كيفن يعني ما نلاقيك
******
وعاد يا غالي لما تروح
أنت وراك تروح الروح
بنمشي معاك ونبقى وراك
وبمشي معاك وابقى وراك
ابقى وراك عشان أحميك
*******


لقيتك

لقيتك في زمن ضائع صرخة في الماضي الخرافة
جيتني من عمق المواجع من شقى سنيني وجفافة
كلما ألقاك وحاتك ألقى دي السكة البخافة
*******
العمر يا غالي ودع لملم الآموا وجراحوا
عدى بي كل المرافي ودى للحاضر صراحو
قلبك الغلطان معاهو الله يغفر ليه ويسامحوا
*******
جيت تقول البينا روح عدى بي مرو وشقاهو
ولاهب القلب المجرح بي ربيع عزو وهناهو
وياما كم بي حبو صرح أشقى دا العكر صفاهو
*******
الحروف كانت تناجي همسة الصمت العابر
كنتا بستجدي العواطف زي مشرد حظو عاسر
العواطف هي هي ذكرى مرة وجرح كافر
*******





خداع

خدعتني بدلالة ورمتني بنبالة
خلتني هويتا وقالت لي لالا
لالا والف لالا ولالا لالا
*******
أنظر ياخي شوفا وأنظر شوف جمالا
قدر ما أعاين ما لاقيت مثالا
لا القاعدين معاها ولا الجلسن قبالا
*******
لونك أسمراني أخضر زرعي لالا
لونك أسوداني أو سوداني شالا
لونك لون أفريقيا ويا ملكة جمالا
*******
النايرات خدودا والفارع قواما
الحلوات شفايف حلاوة الإبتسامة
********


راقصين التويا

راقصين التويا كلمو لي أبوي
خلي النزور التونكي أجيب لي قصعة موية
*******
أخويا يا الطمباري قوم غني لي جراري
أنا بركب اللواري بتابع القماري
*******
راقصين التويا كلمو لي أبوي
خلي النزور التونكي أجيب لي حبة موية
*******
الراكب الشبرية بالله حن علي
بفارق المدينة وأتابع السعية
*******
كردفان أرضنا وشوف جمال ظباها
بابانوسا قميرة عمري ما بنساها
*******



ليها

لو تعاين ليها تملا ود عينك
لو تعاين ليك ربنا يعينك
*******
في الجمال معدوم البساويها
ومن زمن مشتاق قلبي هاويها
ديمة ظالماني ،، محتكم ليها
لو تخليني ما بخليها
*******
للجمال نشتاق نشتهي نعاين
ما بنتكلم والجميل باين
لو عذاب الناس للجميل هاين
الله يغفر ليهو ما بنقول خاين
*******
أنتكت بانة وأتوقلت ريلة
من لطف روحها الهوى الهيلا
نسمة فواحة ،،، والجمال هيلا
والبيتجاسر عينو بتكيلا
********
للجمال أحكام تحكما سلوكوا
وفي القلوب أحكام تصدرا ملوكوا
إلا حسادوا ،،، لو بدر قولوا
ما بسيب حبو لأني مملوكو


هو الأختار

هو الأختار دنيتو هو المخير في إختيارو
جاي يعمل تاني ايه
وجاي عايز مني ايه
انا لا حبيبو ولا دياروا
*******
جاي كايس لي أعينوا بعد ما راح كل شئ
وكان فؤادي ملك يمينو والغرام بيناتنا حي
عدى راح زمن الندم
ذكرى ضماها العدم
والغرام غير مساروا
*******
الهوى السامي الأباهوا كنتا متخيل يسير
وحدي بتحمل شقاهو غير ما أحسب للمصير
الا قدري مسك إيدي بدل الحالة العلي
ساقني من حبك وناروا
*******
ياما في درب الهوى ناس تعيش في وهم كبير
فاكرا إنوا الحب دواء تايهة في أمرا عسير
والبعيش لي دنيا حلوة يلقى في أياموا سلوى
وينسى كل الليهو رادو
******

مـــجـــتـ(العمرابي)ـــبــــي











التوقيع
 
رد مع اقتباس
قديم 05-27-2014, 05:46 PM   #3
ضيف عروس النيل
 
الصورة الرمزية مصعب موسي
 








مصعب موسي غير متواجد حالياً
Thumbs up رد: كل كلمات اغاني محمود عبدالعزيز+طلباتكم

 

احلي كلمات والطف موقع



:وشكرا:











 
رد مع اقتباس
قديم 05-27-2014, 05:52 PM   #4
ضيف عروس النيل
 
الصورة الرمزية مصعب موسي
 








مصعب موسي غير متواجد حالياً
افتراضي رد: كل كلمات اغاني محمود عبدالعزيز+طلباتكم

 

10000000000000000000000 عشرة رحمه تنزل عليك











 
رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مكتبة اغاني محمود عبد العزيز ,متجدد دائما قلووز أرشيف عام 2010 4 12-10-2010 02:53 PM
كلمات اغاني المايسترو كاظم الساهر (ارجو التثبيت) ود سيد أرشيف عام 2009 9 01-16-2009 04:35 PM
اغاني المايسترو المبدع محمود عبدالعزيز ود سيد أرشيف عام 2009 30 01-16-2009 03:24 AM
محمود عبدالعزيز مجموعه من الاغاني ود سيد ارشيف عام 2008 2 08-25-2008 11:38 AM
مبروك للأخ قرشي محمود على محمود مغرورة بس معذورة أرشيف عام 2007 38 12-28-2007 12:31 PM


الساعة الآن 08:07 AM.


Powered by vBulletin® Version 3.8.5
Copyright ©2000 - 2014, Jelsoft Enterprises Ltd.
تركيب ودعم: artuter
الآراء والمواضيع المنشورة بالمنتدى تعبر عن وجهة نظر كاتبها