العودة   .:: شبكة ناوا عروس النيل::. > الأرشيف العام > أرشيف عروس النيل من 2007 إلي 2015 > أرشيف عام 2009
   

الملاحظات

إضافة رد
انشر الموضوع
 
أدوات الموضوع إبحث في الموضوع انواع عرض الموضوع
قديم 11-11-2009, 11:07 AM   #1
عضوية عروس النيل الفضية
 
الصورة الرمزية احمدعبدالحفيظ احمد
 
رقم العضوية : 7
تاريخ التسجيل : Jul 2007
مكان الإقامة : الاخرطوم
عدد المشاركات : 2,900
عدد النقاط : 62
قوة التقييم : احمدعبدالحفيظ احمد will become famous soon enough
جهات الاتصال :

احمدعبدالحفيظ احمد غير متواجد حالياً


أوسمة العضو
لاتوجد أوسمة لـ
">
افتراضي نكات عوض دكام وابو داؤود


للامانه هذه الطرائف منقوله من سودانيز اون لاين فلهم كل شكرنا ونستاذنهم للنقل لانها عجبتنى واتمنى تنال رضاكم

قالو ابو داؤود مشى بيت فرح على اساس احياء حفل ،
لاكنه وجد الفنان القدير المرحوم / خضر بشير واقف على المسرح ويغنى
ومعروف المطرب خضر بشير انه ينفعل مع الغناء
عندما وصل ابو داؤود ووجد هذا المنظر سحب ليهو كرسى وقعد
يتفرج وهو زعلان جدا ، وكان امامه طفل واقف يشاهد فى المطرب خضر بشير
قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك


دكام كان مدير مستشفى الاسنان وشالوه من المنصب .. وجابو مدير جديد
واحد من اصحابو لقاهو بيتحاوم بى بره .. قال ليهو مالك يادكام حايم بى بره ...رد دكام .. ياخوى ماضرتى جوه مابقدر ادخل ( بيقصد المدير الجديد)


قالوا يوم ابو داؤود كان شغال حفلة وانتهت متأخرة ناس العرس اصروا عليهم يبيتوا في بيت العرس وفي الصباح ابو داؤود بتسوك في الماسورة جات ماشة بي جنبه مرة كبيرة في السن قالت ليهو إمبارح العب ساهر بيكم يا ولدى.. قال ليها والله ياحاجة العتب على النظر !!

ابوداؤد كان بغنى فى حفلة والصف الاول كان
كلو جكس حجم عائلي كلو واحدة اسمن من التانية
وبعد الاغنية الاولى قام الجماعة كوركو ليهو
بالله يا استاذ فريع البان ...قام عاين ليهم وعاين
للصف الاول...وقال ليهم فريع البان كيف مع
شجر التبلدى بتاعكم دة !


قالوا ابوداؤود كان شغال حفلة وبعد ما غني الفاصل الاول الجماعة نادوه للعشا فعلي حسب عادته قال عاوز يتعشي مع الجمهور
قام قعد في طربيزة ومعاه مجموعة
جات الصينية الاولي عاين فيها لقاها فقهة (رقبة)..عاين للصينية التانية برضو لقي الضلع فقهة (الجماعة كانوا ضابحين خرفان كمية)التلتة برضو كدا
قام نادي العريس وقال ليهو اسمع يا خوي انتو ضابحين زرافة ولا شنو؟؟


مره عوض دكام كان واقف في محطه البنزين
ومعهو زوجتو في العربيه الكل كان يعاين ومزهول بالجمال واللون الابيض اللامع دا
عوض دكام نزل من عربيتو وقال ليهم ياانتو ماشفتو ليكم سندوتش جبنة بالزيتون قبل كدا!!


عوض دكام قبضوه ناس الدورية
وما بعرفوه
يا زول شايل شنو فى الضهرية؟؟؟
قال ليهم جنا حرام
يا زول نحن ما بنهظر
فتحو الضهرية لقو بيض
قالوا ليه انت بتلعب علينا؟؟؟
شايل جنا جداد تقول جنا حرام ؟
قال ليهم وده ما جنا حرام ؟

شفتو ليكم ديك عقد ليه على جدادة؟؟


قال ليك ابو داود كان بغنى فى عرس والحفلة اشتغلت لحدى الصباح، ولغاية الوقت ده العروس والعريس ما جو، ولا شاف ليهو عروس ولا عريس لحدى ما الحفلة انتهت، بعد ما الحفلة انتهت قام قال للجماعة فى الميكرفون

انتى يا اخوانا عرسكم ده خبر ولا شنو ?


ابوداود كان فى رحلة مره فى بورتسودان، بعدين الجماعة طبعا ضابحين ومهيصين وبعد الضبيحة قاموا جابو المرارة والشيه وبدو ياكلو، بعدين من ضمن الأكل كانوا عاملين ليهم خروف كامل معلق فى شواية والنار مولعه تحته والدخان ضارب
قالو ليهو تعال يا عبد العزيز شوف المراره دى
قال لا ما عايز، انا مستنى الكمينة ديك تطلع!


قال ليك عوض دكام كان فى فراش بكا
وكان يوم رفع الفراش وعوض دكام مشى عشان يدفع فى الكشف

واحد من اصحابو قال ليهو انت يا عوض مفروض تدفع بالدولار
عوض دكام قال ليهو لية فارشين فى السوق الحر!


في عيادته في بحري وهو يعالج احد المرضى
..وعنده تلفزيون في داخل العيادة وبدأت مباراة هلال مريخ
..ومعروف عنه انه لازم يحضرها في الاستاد
...خرج الى الصالة ووجد مجموعة كبيرة من المراجعين والمرضى
...واتلفت الى التلفزيون ورأى ان المباراة ستبدأ ...فالتفت الى المرضى قائلا
انتو عاوزين الجد ولا ابن عمو؟
انا من ما فتحت العيادة دي ما شفت واحد كتلو ضرس
امشو وتعالو بكره
وما في زول بيكتلو ضرس !!


عوض دكام في مرة سايق العربية بتاعتو
وقف في اشارة
اتلفت يمينو لقى
حامد بريمة
حارس المريخ السابق
سايق لفت باك حمراء جديدة
ضرب ليهو العربية بيده
وقال ليهو :
ياعب لو ما كورتك دي
والطب بتاعي ده
كان مكاوينا تتطاقش


كان فى فنان اعمى وعامل عملية بواسير
قام ابوداود مشى ليه زيارة فى المستشفى
وبعد السلامات والتهانى بالسلامة
قعد يتونس مع باقى الناس الجايين للزيارة
قام فجاة كده ابو داوود سكت مسافة طويلة وباقى الناس بقوا يتونسوا
قام الراجل العيان سمع صوت الناس بس وقايل ابوداوود مشى ولا طلع من الاوضة
قام قال ليهم انتوا العب ده مشى ولا شنو
ابو داوود رد ليه
انت علشان حركاتك دى الله قاطع منك موية ونور


أبو داؤود كان سايق عربيتو أشرت ليهو واحدة
متحنكشة دايرة تملح
وقف ليها وقام شغل شريط خاص بيهو أغنية نعيم
الدنيا وهي طبعاً
ما عارفة انها راكبة مع أبو داؤود في نص الأغنية سألها
بتعرفي الفنان
دا قالت ليهو فنان شنو دا حمار قال ليها قلت شنو قالت
ليهو قلت ليك
دا ما فنان دا عبارة عن حمار ياي ... أبو داؤود وقف العربية
ونزل مشى على الباب الراكبة جنبو فتحو
وقل ليها تنزلي والا أرفسك !!


مره أبو داؤود والفنان البعيو عندهم حفلة فى أبوهشيم ، وعندالمغارب طلعوا يتمشوا وهم ماسكين بعض فشافهم شافع من الرباطاب من بعيد ، وبعد فتره الجماعة بسألو وين أبوداؤود قام الشافع قال ليهم والله شفتو شايل ليهو ابريق ومشا هناك .

المرحوم الدكتور عوض دكام ايضا ومما يحكى عنه انه فى ذات مره
كان فى عيادته فدخلت عليه امراه عجوز فاستغربت من هيأته
وقالت له (ياهو انت عوض دكام؟) فرد بالايجاب,
فقالت: كنت قايلاك سمين وحلبي.

فاجاب: ولقيتيني ازييييرق وعفين!!!


في واحدة من المرات قابل أبو داوود الفنان زيدان إبراهيم وسألو وقال ليهو :
يا أبو الزيك عارف أغنية الجدادة المفضلة شنو ؟؟؟
زيدان قال ليهو :
لا أبداً ..
أبو داوود قال ليهو :

أغنية في الليلة ديك !!!


يحكى ان د. عوض دكام - وكان راجل نضيف وبحب النضافة- كان مشاى مشوار مهم وكان قاشر فل سوت قامت صبت مطرة ساعتين واول ما المطرة وقفت طلع الشارع وعربيتو كانت بعيدة شوية من الباب والراجل خايف على جزمتو من الطين قام فجأة شاف ليهم اتنين خايجين الموية وماشين فى الشارع قام ناداهم (هوى يا شباب دقيقة)
قالو ليهو أيوه قال ليهم انتو جايين من وين ؟ قالو ليهو والله نحن شغالين طُلب قريب من هنا
قال ليهم طيب ياخى انا بس عايزكم تشيلونى من هنا وتركبونى العربية ديك وبدى كل واحد فيكم عشرة ألف
قالو ليهو جدا، المهم شالوه وختوهو فى العربية
قال ليهم: قلتو لى شغالين طُلب بهنا ، وبتاخدو كم فى اليوم ؟ قالو ليهو 15000 فى اليوم
قال ليهم طيب أنا حأدى كل واحد فيكم عشرين بس لو شكشكت تجو جارين.


واحدة في حياتها ما شافت
أبو داؤود ... وقامت كده
مشت حفلة وقالوا ليها البيغني
ده أبو داؤود ...
بعد الفاصل مشت ليهو وقالت :
-هي سجمي رسمي يا أبو داؤود ما كنت
قايلاك أسود كده !!!
رد عليها :
-كنت قايلاني بطاطس !!!!!!


قالوا أبو داود كان مشارك في حفل رسمي أيام النميري ، ومعاه عدد من الفنانين ، قام أبو داود قال لأحمد المصطفى كنقيب للفنانين ، يا أخي ما تكلم لينا الرئيس ده يطلّع لينا وردي من السجن . قام أحمد المصطفى قاليهو : أمشي انت اقعد جنبو وشوية شوية كلمو .. قام أبوداود جا قريب من النميري ، والنميري طلب منه أن يجلس علي الكرسي الجنبو وطلب منه أن يحكي له نكتة ، فحكا أبوداود وضحك النميري ، وحكى له أكثر من نكتة وأضحكه . فقال أبو داوود للنميري : ياريس ما تشوف لينا موضوع وردي ده . قام النميري رد بانفعال : وردي مالو؟
فقال أبوداوود : ما تعدموه تريحونا منّو يا ريس .
فضحك النميري ، وأمر بإطلاق سراح وردي ...


أبو داؤد، والكاشف، والفلاتية. عليهم رحمة الله.
حكى أبو داؤد لأبو العزائم الله يرحمو، إنهم
ذهبوا لإحيا حفلة في نيجيريا. قام قال كتبوا
ليهم أغنية نيجيرية بالحروف العربية وغنوها
مع بعض، والنيجيرين إتبسطو شديد جداً.
قام أبوالعزائم سأل أبو داؤد: الأغنية كلماتها
كانت بتتحدث عن شنو؟
أبو داؤد قال ليهو: أظن عن الحصاد.
أبو العزائم قال ليهو: يعني إنتو كُنتو عارفين
معنى كلماتها؟.
أبو داؤد قال ليهو: غايتو أنا والكاشف
ما عارفين، لكن عاشة الفلاتية بتكون كانت
عارفة...


أبوداؤود مسافر قطر - قابله صاحبه في المطار- قال ليه والله صدفة عجيبة- الحاجة ماشا تولد بتها ولا يهمك ساعدها لداخل الطائرةوأبو النسب بيستقبلك في المطار- دخل معاها والشنط ثقيلة هدت حيله وفي التفتيش طلعت مليئة حطب شي"شاف" وشي ما "شاف" وطلح وصندل وغيرها...وزهج من الحاجة والتعتيل ... وصل المطار خرج المصيبة أبو النسب تأخر عليه ... أصحاب أبو داؤود جو يأخذوه ... سلموا عليه ... وواحد عاين كده لقى الحاجة بجواره ...قال ليه: ده شنو يا أبو داؤود ... رد عليه ... دي .. دي ... دي ما حمالة الحطب !

ابو داؤؤد شغال عن واحد مديح تقيل والزول متلحهو زلابية وشاي سادة الليل كلو .
المهم في الاخر قام طلب منو مدحة اسد الله البضرع ..وطبعا هو زعلان شديد منو . قام رد عليهو يا زول انت ماك نصيح ولا شنو كمان الليلة اسد الله يضرع ليهو فوق زلابية ّ!


في اوائل التسعينات ايام حروب يوغسلافيا كنت في بيت اقربائي في المعمورة فو موسم الخريف وجاء والدهم عائدا من واجب عزاء وهو يضحك بشدة فسالناهو عن السبب :
قال : عوض دكام جا للفاتحة
ولان مياه المطر في كل شارع اضطر ان يوقف عربيته بعيدا وقطع الشوارع راجلا بين الحفر والطين ومياه المطرة حتى وصل بيت البكا
اها بعد ما شال الفاتحة
وقعد
الناس كلها بتعاين ليهو
قال ليهم :
شابكننا المعمورة المعمورة المعمورة
دي المعمورة واللا غروزني


مرة أبوداؤد عامل حفلة في بيت عزابة في جدة
وطبعا المطوعين مانعين الحفلات والعزابة خائفين
ويكوركو لي بعض سكرو الباب, سكرو الشباك, قام
أبوداؤد قال ليهم سكرو الفنان في الأول


ابوداود استلف قرض من البنك وبعدي شوية خش في تلتلة
مع ناس البنك لقاية ما باع بعض حاجاته للسداد قال: استلفت
قرض من البنك عشان ابقي زي عزيز كافوري بقيت عزيز قوم ذل


ابوداؤود قال لي علي المك يا علي ياخ انا عايز امشي الحج
علي المك قال ليهو :
حج شنو يا اخينا!!! والله تمشي تتحاوم في الحرم الشريف يفتكروك الحجر الاسود يقوموا يتلموا فيك
الناس ديل يعفصوك وتتكسر حتة حتة.


ابوداود كان مدعو لاجتماع فني قال الاجتماع وين
قالو ليهو في بيت محمد نجيب(محمد نجيب محمد علي الشاعر العروف )
قال ليهم محمد نجيب دا زول مفلس وما بغدينا كويس احسن الاجتماع اكون عند فلان(زول ميسور الحال)
المهم الاجتماع انعقد في بيت محمد نجيب وفوجئ ابوداود بان الغداء في قمة الروعة والجداد ما ادي الدرب
ولمن قعدو للغداء دورت شكلة في الشارع جوار المنزل والصوت ارتفع الجماعة الفي الغداء قالو
الحاصل شنو ابوداود قال ليهم: ديل اهل الجداد جو


في احد الحفلات خارج الخرطوم لم يستطيع تناول العشاء مع العازفين
المهم حاولت النوم لكن مع الجوع ما قدرت
اها مع الفجرية كده قمت سمعت لي صوت نسوان بي جو البيت
مشيت براحة وعاينت لقيت ليك حريم كبار بيغسلوا في عدة الاكل
اها جيت على واحدة وقفت بي ضهرها كده
وهي ما شايفاني
قلت ليها بالله يا حاجة مافي شي كده يتاكل
قالت لي : هو العب الغنا لينا ده خلا حاجة ما اكلو كلو


ايام الاوسمة بتاعت نميري يوزع فيها شمال... لا قي ابوداود ..
نميري : كيفك يا ابوداود...
ابوداود : زعلان منك يا ريس
نميري : ليه...
ابوداود : شغال توزع في الأوسمة يمين و شمال و نسيتنا..
نميري : لكن انت يدوك شنو يا ابوداود...
ابوداود : اي حاجة ان شاء الله عب السودان البار


توقيع :


    رد مع اقتباس
قديم 11-11-2009, 03:02 PM   #2
عضوية عروس النيل الذهبية
 
الصورة الرمزية أنت عمري
 
رقم العضوية : 616
تاريخ التسجيل : Feb 2008
مكان الإقامة : مصر - القاهره
عدد المشاركات : 6,490
عدد النقاط : 145
قوة التقييم : أنت عمري will become famous soon enoughأنت عمري will become famous soon enough
جهات الاتصال :

أنت عمري غير متواجد حالياً


أوسمة العضو
ملكة المنتدي 
">
افتراضي رد: نكات عوض دكام وابو داؤود


نكت حلوه والله ... يديك العافيه أخوي أحمد ...


توقيع :


    رد مع اقتباس
قديم 11-15-2009, 06:59 PM   #3
متابع جيد لعروس النيل
 
الصورة الرمزية البخيتابي
 
رقم العضوية : 486
تاريخ التسجيل : Dec 2007
مكان الإقامة : السعودية/ الأحساء
عدد المشاركات : 119
عدد النقاط : 10
قوة التقييم : البخيتابي is on a distinguished road
جهات الاتصال :

البخيتابي غير متواجد حالياً


أوسمة العضو
لاتوجد أوسمة لـ
">
افتراضي رد: نكات عوض دكام وابو داؤود


هه
ههه
ههه
هههه
ههههه
هههههه
ههههههه
هههههههه
ههههههههه
هههههههههه
ههههههههههه
هههههههههههه
ههههههههههههه
هههههههههههههه
ههههههههههههههه
هههههههههههههههه
ههههههههههههههههه
هههههههههههههههههه
ههههههههههههههههههه
هههههههههههههههههههه
ههههههههههههههههههههه


    رد مع اقتباس
قديم 11-16-2009, 09:22 AM   #4
::: عضو مجلس الإدارة :::

 
رقم العضوية : 53
تاريخ التسجيل : Jul 2007
مكان الإقامة : السعودية ---- الرياض
عدد المشاركات : 18,104
عدد النقاط : 226
قوة التقييم : هاشم عثمان has a spectacular aura aboutهاشم عثمان has a spectacular aura aboutهاشم عثمان has a spectacular aura about
جهات الاتصال :

هاشم عثمان غير متواجد حالياً


أوسمة العضو
لاتوجد أوسمة لـ
">
افتراضي رد: نكات عوض دكام وابو داؤود


يديك العافية اخ احمد والله روعــــــــــــــة موت من الضحك رحمه الله ابوداؤد وعوض دكام كانوا ملح النكته السودانية


توقيع :


    رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كفتة داوود باشا ... أنت عمري أنت عمري 4 11-27-2010 03:13 PM
قصص وعـِبـــــــــر ... نبى الله داؤود والدودة الحمــــــــراء ...؟ عبيد إدريس ارشيف عام 2008 2 09-05-2008 11:29 PM
انا اتفقت مع كنة وابو هريرة والله شاهد الذكري ارشيف عام 2008 16 04-07-2008 09:14 AM
شينة كورتنا ياعوض دكام,,,,, حسن حميداب ارشيف عام 2008 7 03-29-2008 08:58 AM
الكاف يختار حكام كاس العالم لمباراتي الهلال امام النجم شهاب الدين أرشيف عام 2007 0 09-12-2007 10:21 AM

 


 

 جميع الحقوق محفوظة للإتحاد العام لأبناء ناوا بدول المهجر
الموقع الرسمي لإتحاد أبناء ناوا
التعليقات المنشورة لا تعبر عن رأي الإتحاد ولا يتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 05:40 PM.


Powered by vBulletin® Version 3.8.5
Copyright ©2000 - 2020, Jelsoft Enterprises Ltd.
تركيب ودعم: artuter
الآراء والمواضيع المنشورة بالمنتدى تعبر عن وجهة نظر كاتبها